Digtooni: Baraf ayaa ka jira dibadda. Fiiri boggayaga Khayraadka Cimilada Jiilkaalka.

Dooro luuqad

Looking for Medicare information? Visit our CareOregon Advantage website.

Ra'yi-celinta websaytka

Astaanta xiritaanka

Naga caawi inaan sii horumarino websaytkeena

Ma dhibaato ayaad kala kulantaa helista waxaad raadinayso? Ma rabtaa inaad nala wadaagto waayo aragnimadada isticmaalka websaytka? Ka qayb qaado xog aruurinteena ku aadan falcelintaa oona nala socodsii!

Ogsoonow: Waxaanu hadda helaynaa codsiyo iyo wicitaano aad u tiro badan arrintaasi oo dib u dhigi karta wakhtiga jawaabidda. Fadlan ogow waxay qaadan kartaa illaa dhawr bilood in la eego, laga hawlgalo loona bixiyo codsiyada taageerada guriga.

Adeegyada La Xiriira Caafimaadka ayaa gacan ka gaysan kara inay maalgaliyaan taageeroyinka baahida bulshada ee kale oo badan ee loogu talagalay xubnaha xaqa u leh. Haddii aad u baahan tahay taageerada baahiyaha bulshada oo kaa caawiya xaaladaada caafimaad oo aanan lagu bixinin dheef kale, waxaad ka codsan kartaa halkaan.

Tusaalooyinka taageerooyinka kale ee la dabaro

Waa kuwa qaar kamid ah taageerada guud ee baahiyaha bulshada. Liiskani ma koobayo wax kasta oo aan kugu caawin karno. Haddii ay jiraan waxaan halkan ku qornayn oo aad baahi caafimaad u qabto, kaliya na weydii waynu tixgelin doonaa codsigaaga.

  • Shayada/qalabka taageerada dareenka (bustayaal culus, qalabka hurdada caawiya, foojarro loogu talagalay fasalada yoga, iwm.)
  • Qalabka jimicsiga iyo xubinnimada jiimka
  • Agabyada elektarooniga sida labtop-yada iyo aaladaha wadaxidhiidhka
  • Alaabta carruurta iyo badbaadada
  • Qalabka iyo/ama fasalada waxbarashada ee gaarka ah
  • Diiwaangelinta xerada

Si aad u hesho tusaalayaal kale ee waxa la heli karo, eeg Tilmaamaha Kaalmada Baahiyaha Bulsho.

Waxyaabaha ka reeban

Taageerooyinkan iyo adeegyadan soo socda LAMA DABARO wakhti xaadirkaan:

  • Codsiyada lacag-celinta
  • Alaabaha iyo adeegyada lagu heli karo dheefaha qorshahaaga caymiska caafimaadka. Waxaa kamid ah balse aan ku koobnayn:
    • lacagaha go'an ee caymiska
    • lacagaha adeeg bixiyaha shabakada ka baxsan ama gaarka ah
    • lacag bixinta qayb ahaanta ah ee adeegyada caafimaadka
    • qalabka caafimaad ee raaga (DME) (Haddii aad heshay biil adeegyada caafimaadka ah, fadlan kala xiriir Adeegga Macmiilka Xubinta 503-416-4100)
  • Biilasha ama amaahyada kiridhit kaarka
  • Lacag bixinta rahanka
  • Khidmadaha (khidmadaha rabaayadaha, khidmaha sharciga, uruurinta, kafaalada, iwm)
  • Lacag bixinta daryeelayaasha ama taageerooyinka kale ee la ijaarto muddo dheer
  • Kaarasha lagu raaco gaadiidka dadweynaha ama kaarasha gaaska
  • Lacag bixinta dadka aan ku jirin xubnaha
    • Sida kharashbixinta adeegyada guriga ee saaxiib ama qof qoyska ka tirsan ama bixinta aalada cimilada sida hawo qaboojiyaha marka uusan xubinta ku noolayn girigaaga
  • Lacag bixinta la xiriirta dhismaha dhismooyinka cusub
  • Kaabayaasha nafaqada ee guud

Miyaan u qalmaa taageerada baahiyaha bulshada?

Si aad u noqoto mid u qalma taageerada baahiyaha bulshada:

  • Waxa waajib ah inaad ka tahay xubin hadda.
  • Ma woodid inaad shayga/adeegga ku hesho dheef ama hab kale, iyo;
  • Shayga ama adeeggu waxa waajib ah inuu kaa caawinayo baahidaada caafimaad ama xaaladda noloshaada.

Dhammaan shayada ama adeegyada la codsado lama oggolaado/maalgaliyo. Kooxdayadu waxay u qiimeeyaan codsiga kiis kasta gaarkiisa waxayna qaataan go'aanka kama dambaysta ah. Fadlan eeg Tilmaamaha Kaalmada Baahiyaha Bulsho si aad u ogaato macluumaad dheeraad ah oo ku saabsan xaaladaha caafimaad iyo nololeed ee u qalma iyo taageerooyinka sida badan la maalgaliyo ee mid kasta.

Tilmaamaha Kaalmada Baahiyaha Bulsho (PDF)

Sideen u codsadaa taageerada baahiyaha bulshada?

Haddaad buuxisay jaangoynaha mutaysiga ee sare ku xusan oo aad rabto inaad codsato taageero guryeyn, waxaad gujisaa badhanka hoose si aad u buuxiso foom codsi baahiyaha bulsho oo Dhijitaal ah oo ammaan ah.

Foomka codsiga baahiyaha bulsho oo dhijitaal ah

Sidoo kale waxaad la soo degi kartaa oo aad buuxin kartaa Foomka codsiga baahiyaha bulsho (PDF) una gudbin kartaa 211 adigoo iimeyl ama fakas adeegsanaya.

Adiga ayaa buuxin kara oo soo celin kara foomka, ama waxaa kaa caawin kara waalid, daryeele, ama wakiil/teegeere/saaxiib aad ku kalsaan tahay, ama xubin shaqaale oo ka socda hay'ad ama xarun caafimaad.

Haddaad qabto su'aalo ama jeclaan lahayd caawimo buuxinta foomka codsiga, ka wac khadka tooska ah ee 211 lambarka  866-698-6155.

Kheyraadka dheeraadka ah ee kaalmada baahiyaha bulsheed

Marki laga soo tago Adeegyada Caafimaadka La Xidhiidha ee CareOregon, waxaa jira kheyraadyo kale oo deegaan oo bixiya kaalmada baahiyaha bulsheed ee bulshadeena. Haddii aad ogaato inaad u qalmin barnaamijkeena, waxaad awoodi kartaa inaad ka hesho waxa aad u baahan tahay mid kamid ah gujo-raacyada soo socda.