CareOregon waxay u dabaaldageysaa furitaanka weyn ee barnaamijka xasilinta Karibu ee welwelka Bartamaha Magaalada
Sawirka xafladii xariga looga jarayay Barnaamijka Karibu Stabilization. Waxaa Bixiyay Central City Concern.
Toddobaadkan, kooxda CareOregon waxay si farxad leh u calaamadeeyeen furitaanka Barnaamijka Karibu Stabilization ee Central City Concern. Waa barnaamij cusub oo loogu talagalay in lagu caawiyo xubnaha bulshada Afrikaanka Ameerikaanka ah ee la tacaalaya nidaamka caddaaladda, siinta taageerada caafimaadkooda habdhaqan iyo baahidooda guriyeynta. Goobta Karibu ee ku taala Koonfurt-bari Portland, waxa jira 20guri oo ay dadku ku noolaan karaan inta ay ka helayaan caawimada balwadda iyo caafimaadka dhimirka.
Jill Archer, oo ah madaxweyne ku xigeenka caafimaadka habdhaqanka ee CareOregon, ayaa tiri, "Barnaamijkan waxa uu caawinayaa halka shabakada badbaadada bulshadu ugu baahan tahay." "Waan ognahay in dadka Afrikaanka Ameerikaanka ah ay si aan xad lahayn uga dhex muuqdaan nidaamka cadaaladda dembiyada, gaar ahaan kuwa leh baahida caafimaadka habdhaqanka, haddana waxaa jiray farqi weyn oo xagga adeegyada gaarka ah ee dhaqanka si loo taageero bulshadan. Karibu, oo ah barnaamij loogu talagalay in lagu xakameeyo farqigaas si soo dhaweyn iyo hab dhaqan xasaasi ah leh, waxa uu awood u leeyahay inuu noqdo mid wax beddelo."
CareOregon waxa ay dabooshay 75% kharashaadka dhismaha raasumaalka—iyaga oo $905,000 ku maalgalisay kharashka horumarinta mashruuca $1.2 milyanka ah—waxana ku taageertaa adeegyada caafimaad ee socda ku dhawaad $400,000 sanadkii.
Maalgelintani waa qayb ka mid ah botofooliyada maalgalinta caafimaadka habdhaqanka ee looga golleeyahay xasilinta iyo xoojinta nidaamka caafimaadka habdhaqanka ee gobolkeena. Tan iyo 2020, CareOregon waxa ay in ka badan $110 milyan oo doollar ku maalgalisay nidaamka shabakada badbaadada caafimaadka habdhaqanka ee Oregon.
Amy Shea-Reyes (qofka labaad dhanka bidix), Bonnie Holdahl (qofka dhaxda kujira), Jill Archer (qofka labaad dhanka mid) oo ka socda CareOregon ayaa sawir la galay xubno ka socda kooxda Central City Concern. Sawirku wuxuu ka yimid Central City Concern.
